'කන්ජි රැඩිකල්ස්'

'කන්ජි රැඩිකල්ස්' යනු ප්‍රධාන වශයෙන්ම, තරමක් සංකීර්ණ වන කන්ජි අක්ෂරයන්ගේ අන්තර්ගතවන කුඩා කන්ජි අක්ෂරයන්ම වේ. ඒවා බොහෝවිට තනි තනිව ඇතිවිටද කන්ජි අක්ෂරයන්ම වේ. සියලු ජපන් කන්ජි අක්ෂරයන්ගේ භාවිතාවන, හඳුනාගත් කන්ජි රැඩිකල් ගණන 214 කි. මේවාද, ලිවීමේදී ඇඳීම් 1 සිට 17 ක් දක්වා දිගු විය හැක.

විශේෂණ පද (N5/N4)

සරලව සහ සෘජුවම නාමපද හා ක්‍රියාපද විස්තර කිරීමට විශේෂණ පද භාවිතා කරයි. ජපන් භාෂාවෙහි මෙසේ විශේෂණපද මූලිකව වර්ග දෙකකට බෙදා වෙන්කරනු ලබයි. ඒවා [な] විශේෂණපද හා [い] විශේෂණපද ලෙස හඳුනාගත හැක.

[な] විශේෂණපද

静か 【しず・か】- නිදහස්, නිස්කලංක
         【きれい】- ලස්සන, අලංකාර, පිරිසිදු
親切 【しん・せつ】- කරුණාවන්ත
好き 【す・き】- කැමති, ප්‍රිය

ජපන් බසින් ගණන් කිරීම්

සිංහල හා ඉංග්‍රීසි භාෂාව ඇතුලුව බොහෝ භාෂාවන්හි ගණන් කිරීම, ඉලක්කම් නම් කරන වචනයන්ගෙන්ම සිදුකරයි. නමුත් ජපන් භාෂාවේහි එය වෙනස් වේ. එනම් අවස්ථාවෙන් අවස්ථාවට අදාල වූ වචනයන් ඉලක්කම් සමග යෙදිය යුතු වේ. සාමන්‍යයෙන් ජපන් භාෂාව හදාරණ අයෙකුගෙන් ජපන් භාෂාවේ ගණන් කරන විධි කීයක් ඇතිද යන්න විමසුවහොත් පිළිතුර බොහෝ විට 15ක් 16ක්... ආදී ලෙස නිතැතින්ම 20ට අඩු සංඛ්‍යාවකි. නමුත් සැබැවින්ම ජපන් භාෂාවෙහි 150කට අධික ගණන් කිරීමේ විධි ප්‍රමාණයක් පවතී.

JLPT N5 කන්ජි

ජපන් භාෂා ප්‍රවීණතා විභාගයේ පහසුම අදියරය ලෙස N5 හැදින්විය හැක. ආසන්න ලෙස මෙම මට්ටම සදහා කන්ජි අක්ෂරයන් 100ක් පමණ අනුමාන වුවද, සැබැවින්ම එම ප්‍රමාණයට වැඩි පරාසයක කන්ජි අක්ෂරයන් විභාගය තුලදී දැකිය හැක. මෙම ලිපියෙන් N5 මට්ටම සදහා කන්ජි අක්ෂරයන් 130ක් දක්වා ඇත. එම කන්ජිවල යෙදීම් සදහා උදාහරණයන් බොහෝමයක් N5 හා N4 අදියරයන්ගේ කන්ජි අක්ෂරයන්ගෙන් ඇතුලත් වී ඇත.

ජපන් භාෂා ප්‍රවීණතා විභාගය (JLPT)

හැඳින්වීම.

ජපන්භාෂා ප්‍රවීණතා විභාගය 'ජපන් පදනම' (Japan Foundation) සහ 'ජපන් අධ්‍යාපන හුවමාරු හා සේවා සංගමය' (Japan Educational Exchanges and Services) විසින් ක්‍රියාත්මක කරයි. 1984 වර්ෂයේ සිට, ජපන් නොවන ජපන් භාෂාව හදාරන්නාවූ විදෙස් ජාතිකයින් හට පිලිගතහැකි පරිදි තම දැනුම සහතික කර පෙන්වීමට හා නිශ්චිත ඇගයීමක් ලබා දීමක් ලෙස මෙම විභාගය හැඳින්වේ. ආරම්භයේදී, මෙම විභාගයට ලොවපුරා අයදුම්කරුවන් 7000ක් පමණ අයදුම් කර ඇති අතර 2011 වසර වනවිට එම සංඛ්‍යාව 610,000 කි. එසේම ලෝකයේ මහා පරිමාණව පැතිරී පවත්නා ජපන් භාෂා විභාගය වන්නේද මෙයයි.

දින, මාස සහ සතියේ දවස්

භාෂාවක් ඉගෙනීමේදී දින්, සති හා මාසයන් පිලිබඳ දැනීම ඉතා ප්‍රයෝජනවත් සේ සැලකිය හැක. තමන් කල කාර්යයන්, උපන්දිනය ප්‍රකාශ කිරීමට හෝ කිරීමට බලාපොරොත්තුවන හා ඉදිරියේ ඇති අවස්ථා සදහා දින වෙන් කර ගැනීම ආදී සිදුවීම් සඳහා භාවිතා කල වේ. එසේම විවිධ ලිපිගොනු වල දින, මාස ආදිය සටහන් කිරීමට හා කියැවීමටද මෙම දැනුම අත්‍යාවශ්‍ය වේ.

ජපන් බිම

පරිපාලන පැතිකඩ.

ජපානයේ පරිපාලන කලාපයන් 9 ක් පවතී. එම කලාපයන් නවය තවත් කුඩා කොටස් වලට වෙන්කර පරිපාලනයේ පහසුව සඳහා ප්‍රාන්ත/දිස්ත්‍රික්ක 47 කට බෙදා වෙන් කර ඇත. විශාලතම කලාපය සහ පරිපාලන ප්‍රාන්තය/දිස්තික්කය ලෙස හොක්කයිදෝ(北海道) සැලකෙන අතර වැඩිම ජනගහනයක් තෝකියෝ(東京) ප්‍රාන්තයේ/දිස්ත්‍රික්කයේ වාසය කරයි. ජනගහනය මිලියන 126 ඉක්මවන අතර ජන ඝනත්වය වර්ග කිලෝමීටරයකට 333.9 කි.
ජපානය සතුව වර්ග කිලෝමීටර් 978,000 ක්
වූ මුහුදු වපසරියක් ඇත.

ජපානයේ ප්‍රධාන දූපත් හතර

ජපානයේ භූමි ප්‍රමාණය මූලිකව විශාල දූපත් හතරක එකතුවකි. ප්‍රමාණය අනුව විශාලතම දුපත හොන්ෂු (本州) වන අතර විශාලත්වය අනුව අනෙක් දූපත් පිළිවෙලින් හොක්කයිදෝ(北海道), ක්යූෂු(九州) සහ ෂිකොකු(四国) වේ. ජනගහනය හා සංවර්ධනය අතින්ද හොන්ෂු දූපත ප්‍රධාන ස්ථානයක් හිමිකර ගනී.

ජපන් ලේඛන ඉතිහාසය

ලේඛනය ජපානයට පැමිණෙන්නේ ක්‍රි.ව. 5 වන ශතවර්ෂයේ චීනයෙනි. මුල් කාලයේ ජපන් ලිවීම් චීන අක්ෂර භාවිතයෙන් සිදුවූ අතර ඒවා 'කනජි' (kanji) වන අතර එම ක්‍රියාවලිය කන්බුන් (kanbun) (සරලව, 'චීන ලිවීම' ) නමින් හැඳින්විය. නමුත් ජපන් භාෂාව, චීන භාෂාව හා සසදන විට ව්‍යාකරණ අතින් සැලකිය යුතු තරම් වෙනස්කම් දක්නට ලැබෙන හෙයින් එම චීන අක්ෂර වලින් ජපන් භාෂාවේ ව්‍යාකරණ පෙන්වීමට නොහැකි විය. එම නිසා චීන අක්ෂර පෙර පරිදිම යොදනමුත් ජපන් ව්‍යාකරණ භාවිතා කරන්නට විය.

ජපන් බසින් වේලාව

එදිනෙදා ජීවිතයේ අප කරන්නාවූ ඉතා වැදගත් ක්‍රියාවන් බොහෝමයක් කාලය හා බැඳී පවතී. කාලය කියවීමට රටකින් රටකට වෙනස් නොවන එකම ක්‍රමවේදයක්, උපකරණයක් භාවිතා වීම හා අප කුඩා කල සිටම එයට හුරුපුරුදු වී ඇතිමුත් තවත් භාෂාවකින් ප්‍රකාශ කිරීම එසේ පහසු කාර්යක් නොවන්නේ භාෂාවකින් භාෂාවකට වෙනස් වූ වග්මාලාවන් පැවතීම හේතුවෙනි. එසේම වේලාවන් ප්‍රකාශ කිරීම සෑම භාෂාවකම පාහේ පහසුවෙන් ඉගෙනගතහැකි කොටසකි.

වර්ණ

වර්ණ කිහිපයක් හැර ජපන් භාෂාවේ නම් වන බොහෝමයක් වර්ණයන් 'ඉරො' (いろ) නම් වචනයෙන් අවසන් වේ. කන්ජි භාවිතයෙන් නිරූපනය නොවන අනෙකුත් වර්ණ නාමයන් කතකන අක්ෂරයන්ගෙන් නිරූපනය වන අතර ඒවා ඉන්ග්‍රීසි බසින් ජපන් බසට පරිවර්තනය වී ඇත. 

ජපන් ධජයේ නිරූපනය වන හිරුද රතු වර්ණයෙන් වර්ණ ගන්වා තිබීම පැහැදිලිව දැකිය හැකි වෙනස් ලක්ෂණයකි.

ජපන් ආචාර කිරීම්

අප සමාජයේ එකිනෙකා හා ගනුදෙනු කරනාවිට ආචාර කිරීම් වැදගත් අංගයක් ලෙස සැලකිය හැක. එමගින් සමාජ සම්බන්ධතා තර වන අතර නිවැරදි ලෙස භාවිතා නොකිරීම දෙපාර්ශවයේම අපහසුතාවයට මෙන්ම එම සමාජ සම්බන්ධතා දුර්වල වීමටද හේතුපාදක වේ.

ඉලක්කම්

ජපන් ඉලක්කම් ක්‍රමය අප පොදුවේ භාවිතා කරන SI ක්‍රමයට තරමක් වෙනස් වේ. එනම් ඉලක්කම් තුනින් තුනට ඒකක ලෙස අප ගණන් කලද ජපානයේ ගණන් කිරීම් වෙන් වන්නේ ඉලක්කම් තතරින් හතරට වේ. උදාහරණයක් ලෙස 10,000,000 ජපන් ජාතිකයින් 1000,0000 ලෙස වෙන් කරනු ලබයි. නමුත් වර්තමානය වනවිට බටහිර ලෝකයේ බලපෑම හා ඉලක්කම් ප්‍රමිතිකරණය හේතුවෙන් සංකේතාංක තුනේ ක්‍රමය භාවිතා කිරීම දැකිය හැක.

' මින්නා නො නිහොන්ගො '

'මින්නා නො නිහොන්ගො' යනු ජපන් භාෂා අධ්‍යනය සදහා සකස් කල පොත් එකතුවකි. 'මින්නා නො නිහොන්ගො' ( みんな の 日本語 ) ජපන් බසින් සැමට(සැමගේ) ජපන් භාෂාව යන අර්ථය දේ. මෙහි භාෂා අධ්‍යනය සදහා සකස් කල පොත් රාශියක් පවතී. නමුත් මූලික පෙල පොත් හයක් පිලිබඳ මෙහි විස්තර කිරීමට අදහස් කරමි.   

1. みんなの日本語 本册 I 
Minna no Nihongo - Honsatsu 1 

ජපන් භාෂාවේ ව්‍යාකරණ, ක්‍රියාපද, විශේෂණ පද ආදියෙහි මූලික යෙදීම් මෙමගින් අධ්‍යනය කල හැක. 

පාඩම් 25ක් අන්තර්ගත වේ.