ජපන් සිංහලෙන්: විශේෂණ පද (N5/N4)

සරලව සහ සෘජුවම නාමපද හා ක්‍රියාපද විස්තර කිරීමට විශේෂණ පද භාවිතා කරයි. ජපන් භාෂාවෙහි මෙසේ විශේෂණපද මූලිකව වර්ග දෙකකට බෙදා වෙන්කරනු ලබයි. ඒවා [な] විශේෂණපද හා [い] විශේෂණපද ලෙස හඳුනාගත හැක.

[な] විශේෂණපද

静か【しず・か】- නිදහස්, නිස්කලංක
【きれい】- ලස්සන, අලංකාර, පිරිසිදු
親切【しん・せつ】- කරුණාවන්ත
好き【す・き】- කැමති, ප්‍රිය

[な] විශේෂණ පද ඉගෙනීම ඉතා පහසු කටයුක්තකි. මන්දයත් ඒවා නාමපද ආකාරයෙන්ම ක්‍රියාත්මක වන බැවිනි. සියලු වරනැගීමේ නියමයන් නාමපද හා [な] විශේෂණ පද වල එක හා සමාන වේ. නමුත් ප්‍රධාන වෙනස වන්නේ, නාමපදයක් ඉදිරියෙන් එය විස්තර වන [な] විශේෂණ පදයක් යෙදෙනවිට ඒ අතරට [な] අක්ෂරය එකතු වීමයි.

静かな人です。
しずかなひとです。
නිෂ්ශබ්ද පුද්ගලයෙක්.

きれいな人です。
きれいなひとです。
ලස්සන පුද්ගලයෙක්.

ජපන් භාෂාවේ යෙදෙන නිපාතයන්ද [な] විශේෂණ පද සමග නාමපදවලදී මෙන්ම භාවිතා කලහැක.

友達は親切です。
ともだちはしんせつです。
මිතුරා කාරුණිකයි.

友達は親切な人ですです。
ともだちはしんせつなひとです。
මිතුරා කාරුණික පුද්ගලයෙක්.

පහත දැක්වෙන පරිදි, [な] විශේෂණ පද, නාමපද සේම වරනැගීම සිදුවේ.

ボブは魚が好きです。
ボブさかながすきです。
බොබ් මාළුවන්ට කැමතියි.

ボブは魚が好きではありません。
ボブさかながすきではありません。
බොබ් මාළුවන්ට කැමති නෑ.

ボブは魚が好きでした。
ボブさかながすきでした。
බොබ් මාළුවන්ට කැමතිව සිටියා.

ボブは魚が好きじゃなかった/ではありませんでした。
ボブさかながすきじゃなかった/ではありませんでした。
බොබ් මාළුවන්ට කැමතිව සිටියේ නෑ.

ඉහත පරිදිම නාමපදයක් විස්තර කිරීමටද [な] විශේෂණ පද භාවිතා කල හැක. ( මෙහිදී විශේෂණ පදය හා නාමපදය අතරට [な] යෙදීම අනිවාර්ය වේ. )

魚が好きな人です。
さかながすきなひとです。
මාළුන්ට කැමති පුද්ගලයා.

魚が好きじゃない人です。
さかながすきじゃないひとです。
මාළුන්ට කැමති නැති පුද්ගලයා.

魚が好きだった人です。
さかながすきだったひとです。
මාළුන්ට කැමතිව සිටි පුද්ගලයා.

魚が好きじゃなかった人です。
さかながすきじゃなかったひとです。
මාළුන්ට කැමතිව නොසිටි පුද්ගලයා.

මෙහි, සම්පූර්ණ වාක්‍ය ඛණ්ඩ 「魚が好き」、「魚が好きじゃない」... ආදියෙන් පුද්ගලයාගේ මාළු පිලිබඳ ඇති කැමති අකමැති බව සාකච්ඡා කෙරේ. ඉහත පරිදි එම අදහස 「人は魚が好きだ」 ලෙසද ප්‍රකාශ කිරීමට හැක. එහි අරුත "පුද්ගලයා/පුද්ගලයින් මළුවන්ට කැමතියි." යන්නයි. නමුත් එවිට එහි මාතෘකා වන්නේ 'පුද්ගලයා/පුද්ගලයින්' වේ. සෘජුවම කැමති/ අකමැති දෙය පිලිබඳ විස්තර කිරීම එමගින් සිදු නොවේ.

ඉහත පරිදි විස්තර වන නාමපද සහිත වාක්‍ය ඛණ්ඩයක්ම මාතෘකා කොට පහත පරිදිද ප්‍රකාශ කල හැක.

魚が好きじゃない人は、肉が好きです。
さかながすきじゃないひとは、にくがすきです。
මාළුවන්ට අකමැති පුද්ගලයා මස් වලට කැමතියි.

魚が好きな人は、野菜も好きです。
さかながすきひとは、やさいもすきです。
මාළුවන්ට කැමති පුද්ගලයා එළවලු වලටත් කැමතියි.

[い] විශේෂණ පද

【おいしい】- රසවත්
高い【たか・い】- ඉහළ, උස, මිල අධික
【いい】- හොඳ
悪い【わるい】 - නරක
煩い【うるさい】- ඝෝෂාකාරී

සියලු [い] විශේෂණ පද සැමවිටම අවසන් වන්නේ හිරගන [い] අක්ෂරයෙනි. නමුත් ඇතැම් [な] විශේෂණ පද කිහිපයකද අවසන හිරගන [い] අක්ෂරයෙන් අවසන් වන් බව මතක තබාගතයුතු වේ.「きれい（な）」. එවැනි [な] විශේෂණ පද ඇත්තේ ඉතා සුළු ප්‍රමාණයකි. එසේම බොහෝවිට ඒවායේ [い] ශබ්දය ඇතුලත් කන්ජි අක්ෂරක්ද දැකිය හැකි අතර එසේ නොවන 「きれい」,「嫌い」 ආදී විශේෂණ පද ඉතාම සුළු ප්‍රමාණයක් හඳුනාගත හැක. 「きれい」හි ද, නිතර භාවිතා නොවන 「綺麗」හෝ 「奇麗」 ලෙස කන්ජි ලිවීම් පවතින අතර 「嫌い」හි එම විශේෂණ පදයද ව්‍යුත්පන්න වී ඇත්තේ 「嫌う」 නම් ක්‍රියා පදයෙනි.

[な] විශේෂණ පද වල මෙන් නොව [い] විශේෂණ පද, නාමපදයක් ඉදිරියෙන් යෙදෙන විට [な] වැනි අක්ෂරයක් එකතු නොකරයි.

嫌いな食べ物です。
きらいなたべものです。
අකමැති ආහාර. [な-adj.]

おいしい食べ物です。
おいしいたべものです。
රසවත් ආහාර.

නාමපද හා [な] විශේෂණ පද සදහා නැත යන අර්ථය [〜ではない / 〜ではありません] ලෙස ප්‍රකාශ වේ. එවිට එහි අවසන [だ] හෝ [です] එකතු නොකරයි. එලෙසම [い] විශේෂණ පද සරල ස්වරූපයෙන් අනතීත ඇතයන අර්ථය ප්‍රකාශ වන කිසිම විටෙක අවසන සෘජුවම [だ] එකතු නොකරයි. නමුත් [な] විශේෂණ පද සලකනවිට ඉහත අවස්ථාව සදහාම අවසන [だ] යෙදීම හෝ නොයෙදීම පොදුවේ දැකිය හැක.

美味しい
おいしいです。 [おいしいだ。]x

古い
ふるいです。 [ふるいだ。]x

明るい
あかるいです。 [あかるいだ。]x

美味しい食べ物です。
おいしいたべものです。
රසවත් ආහාරයක්.

美味しくない食べ物です。
おいしくないたべもの物です。
රසවත් නොවන ආහාරයක්.

美味しかった食べ物です。
おいしかったたべものです。
රසවත් ආහාරයක් වුනා.

美味しくなかった食べ物です。
おいしくなかったたべものです。
රසවත් නොවන ආහාරයක් වුනා.

නාමපදයකට පෙර යෙදෙන [い] විශේෂණ පද ද, [な] විශේෂණ පද ලෙසින්ම ඉහත පරිදි වාක්‍යයට එකතු කල හැකි අතර වෙනස වන්නේ [な] අක්ෂරය වැනි වෙනත් කිසිම අමතර අක්ෂරයක් එකතු නොවීමයි.

値段が高いレストランはあまり好きじゃない。

ねだんがたかいレストランはあまりすきでわありません。

මිල ගණන් වැඩි රෙස්ටුරන්ට්වලට එතරම් කැමති නැහැ.

ඉහත වාක්‍යයේ ද, 「値段が高い」 මගින් 「レストラン」 සෘජුවම විස්තරකර දක්වයි.